ەندى جولاۋشىلار ۆوكزالدا سمارتفوندار مەن پلانشەتتەردىڭ كومەگىمەن 2قاج جۇيەسىندەگى كەستەنى كورىپ, تانىسا الادى. قىزمەتتى تۇتىنۋشى جولاۋشىلار ۆوكزالدىڭ التى قاباتىنىڭ قىزمەت كورسەتۋ قاباتتارىنىڭ: بيلەت كاسسالارى, مەديتسينالىق قىزمەت, انا مەن بالا بولمەسى, بانكوماتتاردى كورە الادى. ونىڭ سىرتىندا كارتادا قوعامدىق تاماقتاندىرۋ, دۇكەندەر, تاكسي قىزمەتى, تەرمينال, قوناقۇي, ءدارىحانا قىزمەتتەرى تۋرالى اقپاراتتار كورسەتىلگەن. جانە ولارعا قوناقتاردىڭ بەرگەن باعاسى مەن ارىز شاعىمدارى دا, ىزگى تىلەكتەرى دە كورىنەدى. جولاۋشىلارعا قولايلى بولۋ ءۇشىن ونىڭ بارلىعى بەلگىشەلەرمەن ناقتىلانعان.
«تۇتىنۋشىلارعا بارىنشا قولايلى بولۋى ءۇشىن 2قاج ۇيالى تەلەفون قوسىمشاسىندا بارلىق قاباتتارداعى قىزمەت كورسەتۋ مەكەمەلەرى كورسەتىلگەن. ويتكەنى, «نۇرلى جول» ۆوكزالى رەسپۋبليكامىزداعى ەڭ اۋماعى ۇلكەن كولىك بەكەتى سانالادى. بۇل قىزمەت كورسەتۋ ءتۇرى استاناعا تۇڭعىش رەت كەلگەن قوناقتارعا بارىنشا ءتيىمدى بولىپ وتىر»,- دەيدى ۆوكزال ديرەكتورىنىڭ ورىنباسارى نۇرلان امانجولوۆ.
«استانا 2قاج» كومپانياسى ديرەكتورىنىڭ ورىنباسارى اينۇر نۇرعاليەۆانىڭ ايتۋىنشا, جاڭا ۆوكزالدىڭ بارلىق قاباتىنداعى قىزمەت تۇرلەرى جەدەل بايلانىس قىزمەتىنىڭ Android, iOS, Windows جانە 2قاج ونلاين-ۆەرسيامەن تانىسۋعا بولادى.
ء بىر قىزىعى, بارلىق اقپاراتتار ينتەرنەت جەلىسىنسىز اتقارىلادى.
«نۇرلى جول» ۆوكزال كەشەنىنىڭ بارلىق قاباتىنىڭ كورىنىسى «استانا 2قاج» كومپانياسىمەن بىرلەسىپ جاسالعان.
«قاباتتارداعى قىزمەت – بارلىق قاباتتارعا ءبولىنىپ, ونداعى ساۋدا ورىندارىنىڭ تەز كورىنەتىندىگىمەن ەرەكشەلەنەدى. سول ارقىلى جولاۋشى وزىنە قاجەتتى ورىندى تەز تابا الادى»,-دەيدى ا. نۇرعاليەۆا.
ن. امانجولوۆتىڭ ايتۋىنشا, ۆوكزالدىڭ ىشكى كورىنىسىن باعدارلامالىق كورسەتۋ كولىك بەكەتىنە كەلىپ توقتاعان قالا قوناقتارى مەن بارلىق جولاۋشىلارعا جەدەل قىزمەت ءتۇرىن جاقسارتا تۇسەدى.
